Дзясяткі тысяч армян працягваюць пратэставаць супраць Сержа Саргсяна, які кіруе краінай з 2008 года ФОТАФАКТ
Дзясяткі тысяч армян выйшлі на чарговую акцыю пратэсту супраць улады прэм'ер-міністра Сержа Саргсяна. Ён быў прэзідэнтам з 2008 да 2018 года, а цяпер, змяніўшы канстытуцыю, працягнуў кіраваць краінай на іншай пасадзе.
На працягу апошніх дзён сотні чалавек былі затрыманыя, але апазіцыянеры працягваюць мірныя пратэсты.
Лідар дэманстрантаў Нікол Пашынян паведаміў у фэйсбуку, што на раніцу 22 красавіка запланаваныя перамовы з Саргсянам. Па яго словах, адзінай магчымай умовай сканчэння пратэстаў можа быць сыход прэм'ер-міністра з пасады.