Хакеры заблакавалі сайт украінскага міністэрства і патрабуюць выкуп у біткойнах
Невядомыя заблакавалі сайт Міністэрства энергетыкі і вугальнай прамысловасці Украіны і за разблакіроўку патрабуюць выкуп памерам 0,1 біткойн.
Як піша Reuters, украінскія ўрадавыя сістэмы і важнейшыя аб'екты інфраструктуры неаднаразова станавіліся мэтай хакераў. Кіеў звычайна абвінавачвае ў нападах Расію, хаця Масква адмаўляе сваё дачыненне.
Пры гэтым унутраныя сістэмы міністэртва не ўзламаныя: пошта працуе, як і раней, і дадзеныя, хутчэй за ўсё, не скрадзеныя.
На момант напісання артыкула, у прадстаўнікоў ведамства заставалася сем гадзін, каб заплаціць выкуп.