Паўночная і Паўднёвая Карэі дамовіліся больш не ваяваць
@TheKoreaHerald / Twitter
Лідары КНДР і Паўднёвай Карэі абвясцілі, што паміж іх краінамі больш не будзе вайны. Пра гэта гаворыцца ў сумеснай дэкларацыі, прынятай па выніках міжкарэйскага саміта, які прайшоў 27 красавіка ў памежным паселішчы Пханмунджом.
Бакі таксама дамовіліся працаваць над ядзерным раззбраеннем на Карэйскім паўвостраве.
Дэмілітарызаваная зона на мяжы паміж дзяржавамі з гэтага часу абвяшчаецца «зонай міру». Акрамя таго, з 1 мая краіны спыняюць узаемнае прапагандысцкае вяшчанне на мяжы.
На прэс-канферэнцыі па выніках праведзеных перамоў кіраўнік КНДР Кім Чэн Ын абвясціў, што спадзяецца ў будучыні на аб'яднанне Поўначы і Поўдня.