Фэйсбук запусціць сэрвіс знаёмстваў
Кіраўнік фэйсбука Марк Цукерберг абвясціў пра хуткі запуск сэрвісу знаёмстваў.
«У фэйсбуку 200 мільёнаў чалавек, якія называюць сябе адзінокімі, так што тут сапраўды можна сёе-тое зрабіць», — сказаў Цукерберг, выступаючы на штогадовай канферэнцыі для распрацоўшчыкаў F8.
Па словах кіраўніка фэйсбука, сэрвіс будзе прызначаны, перш за ўсё, для карыстальнікаў, якія шукаюць працяглых адносін, а не аднакратных спатканняў.
Цукерберг не назваў канкрэтную дату, калі сэрвіс будзе запушчаны.