Cambridge Analytica закрываецца пасля скандалу з выкарыстаннем дадзеных Facebook
Кампанія па аналізе дадзеных Cambridge Analytica, якая незаконна атрымала доступ да дадзеных дзесяткаў мільёнаў карыстальнікаў Facebook, спыняе сваю працу і пачынае працэдуру банкруцтва ў Вялікабрытаніі і ЗША.
Cambridge Analytica адмаўляе любыя правапарушэнні, але кажа, што распаўсюд негатыўнай інфармацыі ў інтэрнэце прывёў да закрыцця.
Фірму абвінавацілі ў неналежным выкарыстанні дадзеных Facebook ад імя яе кліентаў. Журналісты высветлілі, што кампанія атрымала доступ да дадзеных мільёнаў карыстальнікаў Facebook, каб даследаваць іх перавагі і прапаноўваць рэлевантную рэкламу. Канчатковай жа мэтай быў уплыў на галасы амерыканцаў падчас выбараў прэзідэнта ЗША ў 2016 годзе.