Над брытанскім пасольствам у Мінску ўзнялі вясёлкавы сцяг ФОТАФАКТ
17 мая, у Міжнародны дзень барацьбы з гамафобіяй, над пасольствам Вялікай Брытаніі ў Мінску залунаў вясёлкавы сцяг — міжнародны сімвал ЛГБТ-супольнасці, паведамляе Радыё Свабода.
«Мы вывешваем вясёлкавы сцяг, бо сёння адзначаецца Міжнародны дзень барацьбы з гамафобіяй, трансфобіяй і біфобіяй. Гэтым мы садзейнічаем прасоўванню правоў ЛГБТ-супольнасці і звяртаем увагу грамадскасці на ЛГБТ-людзей і дыскрымінацыю, з якой яны сутыкаюцца», — заявіла Свабодзе пасол Вялікабрытаніі ў Беларусі Фіёна Гіб.