81-гадовы кіроўца збіў шасцігадовага веласіпедыста ў Рагачове
Аварыя адбылася ў другой палове дня 23 мая.
81-гадовы кіроўца «Мазды» рухаўся па вуліцы Друцкай і наехаў на шасцігадовага веласіпедыста.
«Хлопчык рухаўся на дзіцячым ровары ў спадарожным напрамку па краі праезнай часткі ў суправаджэнні свайго дзядулі», - удакладнілі ва УДАІ УУС.
У выніку здарэння ў дзіцяці дыягнаставаны адкрыты пералом галёнкі. Хлопчыка шпіталізавалі.