Памёр сьпявак Мусьлім Магамаеў
На 67-м годзе жыцьця памёр вядомы сьпявак Мусьлім Магамаеў. Ён доўга і цяжка хварэў. У ягоным канцэртным рэпэртуары было больш за шасьцьсот твораў. У 31 год яму прысвоілі званьне народнага артыста СССР.
Пік папулярнасьці Мусьліма Магамаева быў у 60-х — 70-х, калі на ягоныя канцэрты зьбіраліся шматтысячныя стадыёны, а кружэлкі зь ягонымі песьнямі ў разнастайных жанрах выпускаліся вялізарнымі накладамі.