ЗША перакідваюць праз Германію тысячы танкаў у краіны Балтыі і Польшчу
Бронемашыны арміі ЗША ў Германіі
Праз усходнія рэгіёны Германіі ў кірунку Польшчы і краін Балтыі рухаюцца дзве велізарныя калоны амерыканскіх баявых машын, у тым ліку танкаў. Пра гэта паведаміў начальнік штаба амерыканскага ваеннага кантынгенту ў Еўропе брыгадны генерал Кай Роршнайдэр у чацвер, 24 траўня, у Лейпцыгу, перадае dw.com.
Каля 2000 машын накіроўваюцца на вучэнні НАТА ў краіны Балтыі. Адначасова ў Польшчу перакідваюцца яшчэ 1400 транспартных сродкаў, якія нядаўна прыбылі ў бельгійскі Антверпен.
Перадыслакацыя тэхнікі ажыццяўляецца ў рамках аперацыі «Атлантычная рашучасць» («Atlantic Resolve»), з дапамогай якой войска ЗША жадае ўзмацніць саюзнікаў па НАТА ва Усходняй Еўропе.