БАТЭ нечакана звольніў Дулуба
дапоўнена
Галоўны трэнер БАТЭ Алег Дулуб адпраўлены ў адстаўку са сваёй пасады.
Рашэнне прынята праз нездавальняючыя вынікі каманды ў апошніх матчах: параза ў фінале Кубка Беларусі, страта ачкоў у гульнях з «Іслаччу» і «Гарадзеяй», а таксама праз занепакоенасць за стан каманды напярэдадні еўракубкаў.
Дулуб стаў галоўным трэнерам БАТЭ сёлета ў студзені. Усяго пад яго кіраўніцтвам барысаўчане правялі 16 матчаў, у якіх атрымалі 11 перамог, двойчы згулялі ўнічыю і тры разы прайгралі.
Новым галоўным трэнерам БАТЭ стане Дзмітрый Молаш.
У мінулым сезоне Молаш узначальваў «Смалявічы» і вывеў каманду ў вышэйшую лігу. У студзені гэтага года спецыяліст стаў памочнікам Дулуба ў БАТЭ.