Стала вядома, калі пройдзе нарада наконт беларускага хакея
Вынікі сезона падвядуць на справаздачнай канферэнцыі Федэрацыі хакея Беларусі 8 чэрвеня, паведамляе БелТА.
На пасяджэнні будуць заслуханы даклады пра выступ нацыянальных зборных па хакеі на міжнародных турнірах, пра развіццё чэмпіянату Беларусі.
З трох беларускіх зборных, якія прымалі ўдзел у топ-дывізіёне ў мінулым сезоне, прапіску ў класе наймацнейшых захавала толькі каманда да 18 гадоў. Пакінула элітны дывізіён і нацыянальная зборная Беларусі.