Рускую мову пазбавілі асаблівага статусу ў Малдове
Канстытуцыйны суд Малдовы прызнаў састарэлым закон «Аб функцыянаванні моў на тэрыторыі Малдаўскай ССР».
Гэты закон ад 1989 года надзяляў рускую мову статусам мовы міжнацыянальных зносін.
Такім чынам, пачынаючы з сённяшняга дня гэты дакумент з'яўляецца несапраўдным.
Дэпутат ад лібералаў Іён Касьян заявіў, што паводле перапісу насельніцтва ад 2014 года, доля этнічных рускіх у краіне складае ўсяго каля 4%, у сувязі з чым асаблівы статус рускай мовы «вядзе да дыскрымінацыі іншых этнасаў, якія пражываюць на тэрыторыі Малдовы».
Прэзідэнт Малдовы Ігар Дадон назваў гэтае рашэнне «антынародным і антыканстытуцыйным».