Алесь Яўдаха атрымаў пасведчанне кнігараспаўсюдніка
Фота Сяргея Гудзіліна
Алесь Яўдаха атрымаў з Мініcтэрства інфармацыі пасведчанне кнігараспаўсюдніка. У найбліжэйшы час адновіць працу інтэрнэт-кнігарня Knihi.by.
Яўдаха зарэгістраваны ў Дзяржаўным рэестры выдаўцоў, вытворцаў і распаўсюднікаў друкаваных выданняў Рэспублікі Беларусь. Дакумент падпісаны міністрам інфармацыі Алесем Карлюкевічам.
Алесь Яўдаха — кнігараспаўсюднік. Увесну мінулага года ён быў затрыманы па справе патрыётаў і правёў за кратамі каля 100 дзён, увосень справа была закрытая.