Скандальны рэстаран у Курапатах адчыніўся ўначы
Фота Волі Афіцэравай
Рэстаран, размешчаны каля мемарыяльнай зоны ў Курапатах, адчыніўся сёння ўначы, паведаміў у сваім фэйсбуку Павел Севярынец.
Нагадаем, што актывісты некалькі дзён пратэставалі супраць адкрыцця рэстарана «Паедзем, паядзім», так учора некалькі чалавек перагарадзілі дарогу да рэстарана, не пусціўшы машыны з прадуктамі.
Дзённая вахта трывае тут з 12:00 да 18:00. Актывісты сабраліся сёння а 12-й, але гэтым разам работнікі рэстарана іх апярэдзілі.