Журналістку Белсату Кацярыну Андрэеву затрымалі ў Курапатах падчас стрыму ВІДЭА
Журналістку «Белсату» Кацярыну Андрэеву затрымалі ў Курапатах побач з комплексам «Бульбаш-хол», дзе ўчора адчыніўся рэстаран «Паедзем, паядзім», паведамляе тэлеканал.
Кацярыну Андрэеву затрымалі падчас стрыму. Супрацоўнік міліцыі ў цывільным заявіў карэспандэнтцы «Белсату», што ейная дзейнасць на тэрыторыі Беларусі нібыта незаконная, схапіў яе і пасадзіў у міліцэйскае аўта.
Міліцыянты заявілі Кацярыне, што затрымалі яе «да высвятлення абставінаў». Яе павезлі ў Бараўлянскі аддзел міліцыі.