Шуневіч: Колькасць супрацоўнікаў органаў унутраных спраў скарацілася на 10%
Ігар Шуневіч. Фота Сяргея Гудзіліна
Як перадае TUT.BY, міністр унутраных спраў Ігар Шуневіч расказаў у парламенце, як скарацілася колькасць супрацоўнікаў органаў унутраных спраў.
Паводле яго слоў, рэарганізацыя ведамства завершана.
— На 10% была скарочана колькасць супрацоўнікаў усіх органаў і падраздзяленняў унутраных спраў, — распавёў Ігар Шуневіч.
Паводле звестак міністра, была скарочана «вялікая колькасць кіруючага складу».
Пры гэтым якасць працы органаў, на яго думку, не пацярпела.
Нагадаем, у пачатку 2017 года прэзідэнт Беларусі Аляксандр Лукашэнка заявіў, што «ад аптымізацыі ў МУС нікуды не сысці, але дурнога скарачэння быць не павінна». У маі кіраўнік МУС паведаміў прэзідэнту, што на 10% плануецца скараціць і цэнтральны апарат МУС. Пад скарачэнне патрапіў і адзін з намеснікаў міністра МУС.