Беларусь наведае міністар замежных спраў Нікарагуа
29—31 кастрычніка ў Менску з афіцыйным візытам будзе знаходзіцца міністар замежных спраў Нікарагуа Самуэль Сантас Лопэс.
Гэта першы візыт ў Беларусь на міжнародным узроўні дэлегацыі Рэспублікі Нікарагуа такога рангу, паведамляе сайт Міністэрства замежных спраў Беларусі.
Мэта візыту — наданьне большай дынамікі разьвіцьцю беларуска‑нікарагуанскіх міждзяржаўных дачыненьняў, пошук шляхоў актывізацыі гандлёва‑эканамічных адносін, пашырэньне супрацоўніцтва ў адукацыйнай ды іншых сфэрах.