Названы найлепшы мультфільм усіх часоў
Партал USA Today склаў рэйтынг з сотні найлепшых анімацыйных стужак усіх часоў. Лідарам спісу стала поўнаметражнае анімэ «Магіла светлячкоў» 1988 года.
Мультфільм японскага рэжысёра-мультыплікатара Ісаа Такахата заснаваны на рамане Акіюкі Насакі і распавядае гісторыю падлетка Сэйты і яго малодшай сястры Сэцука, бацькі якіх загінулі падчас Другой сусветнай вайны. Крытыкі называлі «Магілу светлячкоў» адным з найвялікшых фільмаў пра вайну ў гісторыі. Такахата памёр у красавіку 2018 года.
На другім месцы аказаўся мультфільм «Галаваломка» 2015 года пра 11-гадовую школьніцу і эмоцыі ў яе галаве. Трэці радок дастаўся трэцяй частцы «Гісторыі цацак», рэліз якой адбыўся ў 2010 годзе.