Спёка вернецца ў сераду, але на вялікіх выходных зноў пахаладае
26 чэрвеня надвор'е ў Беларусі будзе вызначаць няўстойлівая паветраная маса балтыйскага паходжання. Днём — кароткачасовыя дажджы, месцамі навальніцы.
Максімальная тэмпература днём +19.. + 25°С.
27 чэрвеня, у сераду, пераважна без ападкаў, толькі па паўднёвым захадзе месцамі кароткачасовыя дажджы, днём магчымы навальніцы.
Ноччу +9.. + 15°С, максімальная днём ад + 22°С па паўночным захадзе да + 29°С па паўднёвым усходзе краіны.
28 чэрвеня пераважна без ападкаў. Ноччу +12.. + 19°С, максімальная днём +24—30°С.
У пятніцу будзе вельмі цёпла, па паўднёвым усходзе краіны паветра прагрэецца да +29 … 31°С.
А вось у канцы тыдня тэрыторыя краіны апынецца пад уплывам атмасфернага фронту, за якім пачне паступаць больш халоднае паветра з Балтыйскага мора. Чакаюцца дажджы і паніжэнне тэмпературнага рэжыму.