Бузоўскі прызначаны намеснікам міністра інфармацыі
Аляксандр Лукашэнка ўзгадніў прызначэнне Ігара Бузоўскага намеснікам міністра інфармацыі, паведамілі БЕЛТА ў прэс-службе беларускага кіраўніка.
Раней Бузоўскі ўзначальваў адміністрацыю Цэнтральнага раёна Мінска, а яшчэ раней быў намеснікам кіраўніка Адміністрацыі прэзідэнта, галоўным ідэалогам краіны.
Акрамя таго, ўзгоднена прызначэнне яшчэ двух намеснікаў міністра:
Генадзь Трубіла стаў першым намеснікам міністра жыллёва-камунальнай гаспадаркі (быў проста намеснікам);
Віталь Смірноў стаў намеснікам міністра ЖКГ (узначальваў Мінскую гарадскую жыллёвую гаспадарку).
А старшыня камітэта па эканоміцы Мінгарвыканама Мікалай Рагашчук цяпер будзе намеснікам старшыні Мінскага аблвыканкама.