Пад Крычавам п'яны мужчына забіўся, спрабуючы скрасці калгасную салярку
Як стала вядома супрацоўнікам УСК па Магілёўскай вобласці, 25 чэрвеня двое работнікаў аднаго з калгасаў Крычаўскага раёна, 1970 і 1974 гадоў нараджэння, добра падпіўшы, вырашылі выкрасці з паліўнага бака камбайна «Палессе», які стаяў на мехдвары, салярку. Яны паспрабавалі падсунуць бервяно пад кола камбайна, каб нахіліць камбайн на бок. Аднак бервяно выскачыла і ўдарыла па галаве 48-гадовага мужчыны. Яго напарнік спалохаўся і ўцёк з месца здарэння.
Фота: Следчы камітэт
Фота: Следчы камітэт
У хуткую дапамогу пазваніла дыспетчар прадпрыемства. Пацярпелы быў шпіталізаваны ў Крычаўскую раённую бальніцу. На жаль, дактарам выратаваць мужчыну не ўдалося.
Цяпер следчыя высвятляюць усе акалічнасці здарэння.