Прэзідэнт Польшчы падпісаў папраўкі да рэзананснага закону пра Інстытут нацыянальнай памяці
Фота: Flickr.
Прэзідэнт Польшчы Анджэй Дуда падпісаў змены ў закон аб Інстытуце нацыянальнай памяці, адмяніўшы турэмнае пакаранне за выказванні пра дачыненне палякаў да Халакосту.
Раней у Польшчы афіцыйна набыў моц закон аб Інстытуце нацыянальнай памяці. Згодна з законам, органы правасуддзя Польшчы змогуць прыцягваць да крымінальнай адказнасці з перспектывай зняволення да трох гадоў, у тым ліку і тых, хто будзе адмаўляць злачынствы «украінскіх нацыяналістаў» супраць грамадзян Польшчы.
Акрамя таго, уводзілася крымінальная адказнасць за публічныя выказванні пра дачыненне палякаў да Халакосту ў гады Другой сусветнай вайны. У прыватнасці, гаворка ідзе пра выкарыстанне фармулёўкі «польскія лагеры смерці».