65 беларускіх мужчын пацярпелі ад сэксуальнага гвалту, яшчэ 19 — ад распусты
У 2017 годзе 65 беларускіх мужчын пацярпелі ад гвалтоўных дзеянняў сэксуальнага характару. Гэта рэкордны паказчык — апошнім часам штогод фіксавалася каля 30 пацярпелых.
Такія дадзеныя сабрала Міністэрства ўнутраных спраў Беларусі.
Ілюстрацыйнае фота.
Летась рэзка вырасла і колькасць ахвяраў распусных дзеянняў сярод мужчын. За год набралася 19 пацярпелых, тады як ніколі не налічвалася і дзясятку.
Зрэшты, сярод жанчын пацярпелых па-ранейшаму больш.
Летась было зафіксавана 162 жанчыны, якія сталі ахвярамі гвалтоўных дзеянняў сэксуальнага характару, і яшчэ 35 жанчын, пацярпелых ад распусных дзеянняў. Гэта таксама рэкордныя паказчыкі.