МЗС Беларусі паведаміла пра сур'ёзныя цяжкасці з вылетам беларускіх турыстаў з аэрапорта Жуляны ў Кіеве
МЗС Беларусі вечарам 1 ліпеня паведаміў пра цяжкасці з вылетам беларускіх турыстаў з Кіева рэйсамі авіякампаніі BravoAirways і AndaAir.
Паводле звестак МЗС, адменены рэйсы з Кіева ў Алікантэ, Люблін, Туніс, Тырану, Шарм-эль-Шэйх. Затрыманыя вылеты ў Анталію і Батумі.
МЗС рэкамендуе беларусам перад вылетам звязацца са сваімі тураператарамі, піша TUT.BY.
Сайт аэропорта «Кіеў»
Раней міністр інфраструктуры Украіны Уладзімір Омелян растлумачыў, што праблемы звязаныя з махлярствам тураператара «Аазіс», які не разлічыўся з кампаніяй Bravo Airways за авіяпералёты. Доўг складае 1 мільён даляраў.
Некалькі тысяч турыстаў затрымаліся ў аэрапорце «Жуляны» (афіцыйна называецца «Кіеў») з-за адмены рэйсаў, паведамляе РБК-Украіна. Некаторыя рэйсы затрымліваюцца ўжо другія суткі. Пасажырам паведамілі пра затрымку рэйсаў па тэхнічных прычынах.