У Рызе затрымлівалі шэф-рэдактара «Sputnik Латвія»
Супрацоўнікі Паліцыі бяспекі затрымалі ў Рызе шэф-рэдактара інтэрнэт-выдання «Sputnik Латвія» Валянціна Ражанцова, паведамляе ria.ru
Затрыманне адбылося ў сераду ўвечары, калі Ражанцоў прыляцеў у Рыгу з Масквы.
«Мяне затрымалі на размову, як гэта яны назвалі. Пратаколаў не складалася. Паліцыю бяспекі цікавіла мая праца на пасадзе шэф-рэдактара «Sputnik Латвія» і праца самога рэсурсу ў Латвіі. Усю ноч я быў у кабінетах супрацоўнікаў паліцыі бяспекі. Мяне адпусцілі сёння раніцай, менш чым праз 12 гадзін. Гэта не лічыцца фармальным затрыманнем у Латвіі», - заявіў Ражанцоў.
Латвійская версія «Спутніка» была запушчана ў лютым 2016 года.