СМІ: Спонсар Brexit 11 разоў сустракаўся з паслом Расіі
Адзін з галоўных спонсараў выхаду Вялікабрытаніі з Еўрапейскага саюза бізнэсмен Аран Бэнкс правёў як мінімум 11 таемных сустрэч з паслом Расіі, піша The Observer.
The Observer спасылаецца на дакументы, з якіх вынікае, што пасольства Расіі накіроўвала Бэнксу яшчэ чатыры запрашэнні, аднак невядома, ці былі яны прыняты. Сустрэчы адбываліся напярэдадні рэферэндуму аб выхадзе Вялікабрытаніі з Еўрасаюза і на працягу двух месяцаў пасля яго.