Белстат: У першым паўгоддзі ВУП вырас на 4,5%, а рэальныя даходы — на 7,7%
ВУП Беларусі ў I паўгоддзі 2018 года вырас на 4,5% у параўнанні з аналагічным перыядам мінулага года, паведамляе Белстат.
Аб'ём ВУП у бягучых цэнах склаў 55,8 мільярда рублёў, або ў супастаўных цэнах 104,5% да ўзроўню I паўгоддзя 2017 года.
Таксама Белстат паведамляе, што рэальныя грашовыя даходы насельніцтва ў студзені-маі 2018 года склалі 107,7% да ўзроўню аналагічнага перыяду 2017-га.