У Skype з'явіцца функцыя запісу званкоў
а вы яшчэ карыстаецеся гэтай праграмай?
Skype неўзабаве атрымае магчымасць запісу званкоў, паведамляе афіцыйны блог Skype.
Фота: Skype.
Skype будзе запісваць гутаркі ў відэачатах, у тым ліку групавых. Запісы будуць захоўвацца ў «хмарах», таму доступ да іх можна атрымаць з любой прылады.
Таксама прадстаўнікі Microsoft распавялі, што ў праграму дададуць зашыфраваныя званкі і адпраўку тэкставых паведамленняў або файлаў, такіх як выявы, аўдыё або відэа, з выкарыстаннем пратаколу Signal Protocol. Паведамленні і апавяшчэнні ў гэтых гутарках будуць схаваны ў спісе чатаў.