Брэсцкае «Дынама» выганяе з клуба Паўла Савіцкага і Арцёма Мілеўскага — таго самога, што некалі прамяняў зборную Беларусі на Украіну
Прэс-сакратар брэсцкага «Дынама» Вольга Хіжынкова пацвердзіла інфармацыю аб расставанні клуба з футбалістамі Арцёмам Мілеўскім і Аляксеем Гаўрыловічам. Таксама яна паведаміла, што Павел Савіцкі таксама хутка пакіне Брэст.
Арцём Мілеўскі нарадзіўся ў Мінску, але ў свой час прамяняў зборную Беларусі на зборную Украіны.
«Савіцкі пераведзены на індывідуальны рэжым трэніровак і ў заяўку не трапляе. Улічваючы трансферны кошт гэтага гульца, прынята рашэнне аб яго продажы.
Прычыны, па якіх «Дынама-Брэст» растаецца з гэтымі гульцамі, клуб не выдае. Растаемся паважліва і спадзяемся, што гэтыя футбалісты пры сваёй кваліфікацыі знойдуць годныя варыянты працягу працы», — адзначыла Хіжынкова.