У джунглях Бразіліі трапіў на ВІДЭА «самы самотны чалавек на планеце»
З'явіліся ўнікальныя кадры члена рэдкага племені з амазонскіх джунгляў, адзінага, хто застаўся ў жывых, паведамляе БіБіСі.
Яго прынята называць «самым адзінокім чалавекам на планеце». Гэты 50-гадовы мужчына жыве ў адзіноце ў бразільскай частцы нізіны Амазоніі ўжо на працягу 22 гадоў. Усе члены ягонага племені загінулі ад рук мясцовых бандытаў.
Бразільскае дзяржаўнае агенцтва ў справах карэннага насельніцтва назірае за лёсам гэтага чалавека з 1996 года. Пакуль ён жывы, на тэрыторыі штату Рандонія на паўночным захадзе краіны забароненая эканамічная дзейнасць.
Паводле канстытуцыі Бразіліі, карэннае насельніцтва мае права на валоданне зямлёй племянных тэрыторыяў.