Малпа ў Індыі спрабавала ўваскрэсіць свайго суродзіча ВІДЭА
Малпа, якая спрабуе рэанімаваць мёртвага суродзіча, трапіла на відэа. На ролік звярнула ўвагу выданне Daily Mail.
На відэа, знятым у Кхаргоне (Індыя), можна пабачыць, як малпа нахіляецца над целам суродзіча, які загінуў праз удар токам пасля дакранання да проваду, і спрабуе зрабіць яму штучнае дыханне і масаж сэрца.
Мясцовыя жыхары правялі над целам малпы, якая загінула, неабходныя абрады і пахавалі жывёлу.
Малпы ў Індыі лічацца ўвасабленнем бога сілы Ханумана.