У Мінску сабрацца ў школу каштуе да 900 рублёў
Пра гэта паведаміла сёння галоўны спецыяліст па сувязях з грамадскасцю ГУ «Галоўнае ўпраўленне спажывецкага рынку Мінгарвыканкама» Святлана Шыцікава на прэс-канферэнцыі, прысвечанай Дню работнікаў гандлю, піша БелТА.
«Агульны кошт экіпіроўкі да школы не змяніўся ў параўнанні з мінулым годам. Для вучняў малодшых класаў яна складае ад 202 да 750 рублёў, для старшакласнікаў - ад 235 да 890 рублёў. Сюды ўваходзяць швейныя і трыкатажныя вырабы, абутак і школьныя прыналежнасці», - адзначыла Святлана Шыцікава.