Цукерберг вылецеў з тройкі самых багатых людзей свету
Заснавальнік Facebook Марк Цукерберг страціў тры пазіцыі ў рэйтынгу самых багатых людзей свету паводле версіі агенцтва Bloomberg. Ён апусціўся з трэцяга радка на шосты, страціўшы амаль 17 мільярдаў даляраў на фоне рэзкага абвалу кошту акцый сваёй кампаніі.
Раней багацце прадпрымальніка ацэньвалася ў 86,5 мільярдаў даляраў, цяпер яно складае 70,6 млрд.
У спісе найбагацейшых людзей ён саступіў амерыканскаму інвестару Уорэну Бафету, прэзідэнту французскай групы кампаній Louis Vuitton Moët Hennessy Бернару Арно і заснавальніку іспанскай фірмы Inditex Амансіа Артэгу.