Магіляўчанка выцягнула ў знаёмай, якая спала, завушніцы з вушэй і здала іх у ламбард
У 58-гадовай магіляўчанкі прапалі залатыя завушніцы. Прапажу жанчына выявіла раніцай пасля застолля ў сябе дома, калі прачнулася. Сышчыкі высветлілі абставіны здарэння.
Аказалася, што вырабы з золата забрала 41-гадовая госця пацярпелай. Паміж сабой магіляўчанкі амаль не былі знаёмыя — новая госця прыйшла з сябрам за кампанію.
Калі выпілі ўсе спіртныя напоі, і гаспадыня лягла адпачыць, магіляўчанка падышла да яе і дастала з вушэй завушніцы, пасля чаго сышла. Ювелірныя ўпрыгажэнні яна здала ў ламбард.