У Налібаках 19-гадовая матацыклістка збіла 5-гадовага хлопчыка. Дзіця ў рэанімацыі
У вёсцы Налібакі Стаўбцоўскага раёна дзіця трапіла пад колы матацыкла. Пра гэта паведамілі ў ДАІ УУС Мінаблвыканкама.
Аварыя адбылася 1 жніўня, каля 17.00. Паводле папярэдняй інфармацыі, 19-гадовая жыхарка Дзяржынска, кіруючы матацыклам «Мінск», ехала па вуліцы Ліпеньскай і збіла 5-гадовага хлопчыка, які раптоўна выбег з двара.
У выніку наезду дзіця атрымала траўмы рознай ступені цяжкасці і было шпіталізавана ў рэанімацыйнае аддзяленне бальніцы.