Патрыярх Кірыл ляціць да Патрыярха Канстанцінопальскага напярэдадні разгляду пытання пра аўтакефалію для Украіны
Маскоўскі патрыярх Кірыл 31 жніўня наведае Стамбул і сустрэнецца з Сусветным патрыярхам Варфаламеем. Пра гэта паведаміў Офіс генеральнага сакратара Святога Сінода Канстанцінопальскага патрыярхата.
Сустрэча адбудзецца па ініцыятыве патрыярха Кірыла.
Сустрэча будзе тычыцца пытання ўкраінскай аўтакефальнай царквы, паведамляюць СМІ.
У ліпені Сусветны патрыярх апублікаваў зварот, у якім заявіў, што канчатковай мэтай Канстанцінопальскай праваслаўнай царквы з'яўляецца прадстаўленне ўкраінскай царкве аўтакефаліі.