На набярэжнай Гомеля побач з выратавальнай станцыяй патануў вадалаз
У суботу ўвечары ў Гомелі на Сожы патануў вадалаз. Дактары каля сарака хвілін змагаліся за жыццё мужчыны, аднак выратаваць яго так і не ўдалося.
Трагедыя адбылася на набярэжнай, побач з выратавальнай станцыяй, прыкладна за 200 метраў ад рэстарана «Праванс».
— Праводзіліся рэанімацыйныя дзеянні па выратаванні жыцця аквалангіста. Брыгада хуткая дапамогі і супрацоўнікі Асвод прыкладалі максімум намаганняў, але, на жаль, вынік сумны, — паведаміла рэдакцыі gomel.today чытачка.