Украіна збіраецца спыніць чыгуначны рух з Расіяй
Украіна збіраецца спыніць пасажырскія чыгуначныя зносіны з Расіяй, заявіў міністр інфраструктуры Украіны Уладзімір Амялян.
«Мы хочам, каб гэтае рашэнне прымалася ў комплексе мер па сітуацыі ў Азоўскім моры і акупацыяй Крыма і часткі ўсходніх абласцей», — адзначыў Амялян.
Раней расійскае выданне «Коммерсант» са спасылкай на свае крыніцы ва ўрадзе Украіны паведамляла, што ў найбліжэйшы час Украіна нібыта рыхтуецца спыніць чыгуначныя пасажырскія зносіны з Расіяй.