Новым кіраўніком Аршанскага раёна стаў выхадзец з сілавікоў
На пазачарговай сесіі Аршанскага раённага Савета дэпутатаў зацвердзілі новага старшыню райвыканкама Ігара Ісачанку, перадае БелТА.
Ігар Ісачанка з пасведчаннем.
Ігар Ісачанка нарадзіўся ў Лёзне Віцебскай вобласці. Скончыў Кіеўскае вышэйшае зенітнае ракетнае інжынернае вучылішча імя Кірава і з 1991 па 1999 год cлужыў ва Узброеных Сілах Беларусі. З 1999 года працаваў на розных кіроўных пасадах на прадпрыемстве «Віцебскаблгаз», затым на працягу пяці гадоў быў генеральным дырэктарам «Віцебскаблвадаканала». Са студзеня 2014 года працаваў старшынёй камітэта па архітэктуры і будаўніцтве Віцебскага аблвыканкама.