Страшная аварыя ў Жодзіне: п'яны кіроўца ўрэзаўся ў грузавік, загінула 18-гадовая дзяўчына
ДТЗ адбылося раніцай у суботу 18 жніўня.
26-гадовы кіроўца «Фальксвагена» ўехаў у грузавік з паўпрычэпам. Пасля сутыкнення легкавік адкінула на сустрэчную паласу, дзе ён зачапіў «Рэно».
У аварыі загінула 18-гадовая дзяўчына, яна знаходзілася ў салоне «Фальксвагена».
Як пазней высветлілася, у кіроўцы ў крыві ўтрымлівалася 4,2 праміле алкаголю. Яму пагражае да 7 гадоў пазбаўлення волі.