Кіроўца пагрузчыка на Ашмяншчыне сеў за руль з васьміразовым перавышэннем алкаголю
Другі раз за паўмесяца супрацоўнікі аддзялення ДАІ Ашмянскага РАУС затрымалі нецвярозым кіроўцу пагрузчыка.
Вясковец на «Амкадоры» 20 жніўня працаваў на сянажнай яме. На працы выпіваў гарэлку. Колькасць алкаголю на момант агляду перавышала дапушчальнае значэнне прыкладна ў восем разоў. 15 жніўня яго пазбавілі права кіравання і аштрафавалі на 1347,50 рубля.