У Бярозаўскім раёне на пажары загінулі 820 качанятаў
У Бярозаўскім раёне гарэў птушнік, паведамілі ў Брэсцкім абласным упраўленні МНС.
Пажар адбыўся 21 жніўня а 9 гадзіны раніцы ў в.Ольшава. Загарэўся блокавы будынак птушніка памерам 12х60 м, якое належыць мясцоваму ААТ. У тушэнні пажару ўдзельнічалі прадстаўнікі 4 падраздзяленняў МНС. У выніку ўзгарання агнём знішчаны дах на плошчы 600 кв.м, загінулі 820 качанят.
Прычына пажару высвятляецца.