У Ташкенце з'явіцца вуліца Якуба Коласа
Вуліца імя народнага паэта Беларусі Якуба Коласа з'явіцца ў Ташкенце. Такая інфармацыя размешчана на сайце пасольства Беларусі ва Узбекістане.
Цырымонія адкрыцця бюста і вуліцы імя беларускага паэта адбудзецца 24 жніўня ў скверы за Дзяржаўным музеем мастацтваў (скрыжаванне вуліц Шахрысабз і Шаўчэнкі). З беларускага боку ў мерапрыемстве прыме ўдзел намеснік прэм'ер-міністра Міхаіл Русы, з узбекскага — віцэ-прэм'ер Надзір Атажонаў.