Танцы з Пуціным не змянілі палітыку Аўстрыі ў дачыненні да Расіі — канцлер
Аўстрыя цалкам адданая адзінай пазіцыі Еўрапейскага Саюза ў дачыненні да Расіі. Пра гэта ў сераду заявіў аўстрыйскі канцлер Себасцьян Курц, спрабуючы супакоіць крытыкаў з-за візіту Уладзіміра Пуціна на вяселле кіраўніка МЗС Аўстрыі, паведамляе Reuters.
У мінулыя выходныя Карын Кнайсль станцавала з Пуціным на сваім вяселлі, выклікаўшы хвалю крытыкі ў мясцовых медыя, якія абвінавацілі яе ў падрыве палітыкі ЕС у дачыненні да Расіі.
Фота: kremlin.ru.
«Наша знешняя палітыка ў дачыненні да Расіі выразная… і з'яўляецца абавязковым рашэннем Еўрапейскага Саюза», — заявіў Курц на прэс-канферэнцыі ў сераду.