У Швейцарыі замарозілі больш за $5 мільярдаў расійскіх грошай праз санкцыі ЗША
Буйны швейцарскі банк Credit Suisse замарозіў прыкладна 5 мільярдаў даляраў на рахунках, звязаных з Расіяй, каб пазбегнуць наступстваў амерыканскіх санкцый, паведамляе Reuters.
У Credit Suisse адмовіліся назваць імёны ўладальнікаў замарожаных рахункаў.
Як адзначае Reuters, для расійскіх алігархаў такі крок можа заблакаваць важны канал фінансавання, а таксама бяспечную гавань для іх мільярдных багаццяў.