Буслы прадказалі раннюю і халодную восень
Ёсць даўняя прыкмета: калі буслы адлятаюць з Берасцейшчыны да праваслаўнага Спаса (19 жніўня), то восень будзе ранняй і халоднай. Калі забавяцца — цёплай. Летась, да прыкладу, птушкі заставаліся ў Беларусі да верасня, і, сапраўды, восень была лагодная, а першыя прымаразкі здарыліся позна.
Сёлета, наадварот, бацяны пакінулі краіну рана, да Спаса. Праверым, ці народная прыкмета спраўджваецца, ці ўсё ўжо перамяшалася на свеце.