Парашэнка даручыў разарваць Дагавор аб дружбе Украіны з Расіяй
Прэзідэнт Украіны Пятро Парашэнка даручыў МЗС Украіны рыхтавацца да разрыву базавай дамовы пра сяброўства з Расіяй. Пра гэта ён заявіў падчас нарады з кіраўнікамі замежных дыпламатычных устаноў Украіны.
«Сёння мы падышлі дастаткова падрыхтаванымі і юрыдычна абароненымі да наступнага кроку — спынення дзеяння Дагавора аб дружбе, супрацоўніцтве і партнёрстве паміж Украінай і Расіяй, які па віне Масквы ўжо даўно стаў анахранізмам», — заявіў прэзідэнт Украіны.
Парашэнка паведаміў, што МЗС ужо атрымаў адпаведнае даручэнне і ў найбліжэйшы час Украіна ажыццявіць неабходныя крокі.