Каля Масквы пабудуюць гіганцкі праваслаўны храм вышынёй з 30-павярховік. Як ён будзе выглядаць? ФОТЫ
Міністэрства абароны Расіі збіраецца пабудаваць за 65 кіламетраў ад Масквы гіганцкую праваслаўную царкву, якая будзе сімвалізаваць «духоўнасць рускага войска». Храм будзе знаходзіцца ў парку «Патрыёт» каля горада Кубінка з насельніцтвам 20 тысяч чалавек.
Храм спраектаваны ў «манументальным руска-візантыйскім стылі». Яго вышыня з крыжам складзе 95 метраў — як у трыццаціпавярховіка. Царква стане трэцім па вышыні праваслаўным храмам свету.
На плошчы 11 тысяч квадратных метраў змогуць адначасова маліцца да 6000 вернікаў.
Храм плануецца ўзвесці да 2020 года за ахвяраванні вайскоўцаў.