Румас разважае, ці скарачаць колькасць міністраў: У нас 36 членаў урада, гэта вельмі шмат
Прэм'ер-міністр Сяргей Румас падзяліўся сваімі поглядамі на магчымае перафарматаванне структуры ўрада, паведамляе БелТА.
«У мяне ёсць пэўныя погляды, якая структура павінна быць ва ўрада. У нас 36 членаў урада. Напэўна, гэта для маленькай кампактнай краіны вельмі вялікая колькасць», — заявіў Сяргей Румас, адказваючы на пытанні журналістаў пасля сустрэчы з Аляксандрам Лукашэнкам.