Коля Лукашэнка прывёз кавуны і бульбу з прэзідэнцкага поля ў дом-інтэрнат ФОТЫ, ВІДЭА
«Абавязкова перадам вялікі дзякуй ад усіх вас, у першую чаргу гэта ж яго старанні, ён арганізаваў», — адказаў Коля Лукашэнка на просьбу пенсіянераў падзякаваць кіраўніку дзяржавы за клопат.
Вучні 8—11-х класаў Астрашыцка-Гарадоцкай сярэдняй школы прывезлі кавуны і бульбу жыхарам падшэфнага Мінскага дома-інтэрната для пенсіянераў і інвалідаў, паведамляе БЕЛТА.
У дом-інтэрнат даставілі 5 тон кавуноў, сабраных 5 верасня на прэзідэнцкім поле, а таксама тону бульбы гатунку «маніфест» — якую вырошчваюць на падворку прэзідэнта ў Астрашыцкім гарадку.
Школьнікі дапамаглі з разгрузкай, а потым наведалі мясцовую міні-ферму, якую адкрылі ў інтэрнаце ў маі гэтага года. Там ужо жывуць куры-нясушкі, певень, трусы.
Пасля завяршэння ўсіх работ адбылася сумесная дэгустацыя прывезеных кавуноў.